اخر الأخبار

يوميات وخواطر مدونة لرشيد عبد الله -الجزء الخامس

الكاتب رشيد عبدالله بتاريخ 23/07/2016 على الساعة 20:47 - 1023 مشاهدة

 

شايفين وسامعين وللعبة فاهمين…..
وعارفين أننا وسط الذياب عايشين……
ولكن ساكتين…………..
حيت الحبيب حبيب والذيب ذيب…….
والقهوة تتبدل ملي تزيدلها الحليب………th (4)


هذا هو الحال كيفما كلتي تكال…….
شمس الحق تغرب و تشرق……..
و تحجبها غيوم الظلم و تخنق……..
النحلة باطو وسط بحر……..
لوث و ما تقلب ما قنع ما قدر……..
السباب فعذابي حبابي…….
هنايا فرادي و تقادا جهدي……..
حلو بابي و كالوني كلابي……..
الصراحة قاصحة وراحة………
كلت ليها حراري وصلات لداري……..
و اللسانات الطويلة قبيحة……..
دخلات لغاري و دات اسراري……..
و الصح صحيحة ما تكمل فرحة…….
لعبت بالنار و تقت بغدار………
لي تبنى فاعوام تحرق فنهار……..
مازال ما فقدت الآمال……..
راني وسط وحال و بين قيل و قال…….
قريب تبدل الأحوال و يبان علاش كنت عوال……….th (6)
الخوف والقهر عليه قاضي…..
فالعماق الفوضى ومن الفوق يبان البحر هادي…..
الحق والباطل هنا…
الشاهد يزور لعمى ….. والحاكم ما يدوق المعنى….
يا بنادم دار الصابون ما شي جفنة……
الطعام إلى جاك سخون رد اللقمة…..
يكفانا اللي احنا فيه…..
يكفي الجوع وما قاسينا…….
كل شي ديالنا وحنا مواليه……..th (5)

اللي عول على نجوم الليل……
ضو الظلام يطفى ليه…..
متكونش بحال الحمق و الهبيل……
كيبان لابس وهو عريان حالو…….
القمر بلا شمس كيبان تالف……
ميبانش نور هلالو……..
بنادم بلا نفس رآه اقرف……
موتو حسن من تدلالو…….

 



مواضيع من نفس القائمة

أضف تعليقك

من شروط النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الإلهية، والابتعاد عن التحريض العنصري والشتائم.