بلا مايقلقك كلامي وتغضب
هذا ما شافت عيني للي ما تكذب
بحال للي مطلي من راسو رجليه بالجرب
الراس قرع ما فيه ريحة الزغب
الفم غار والموشتاش داير بيه كالزرب
وعاجبك الحال ما مقلق ما معصب
كون حاس بحالك كون سكت ليك القلب
الدنيا عندك هي كول واشرب
بحال البهيمة غير هي كتحلب
ما مسوق للوقت اطلع وﻻ تغرب
سارح بحال الكيدار ومسيب
شحال قدك تميك على الوضع وتهرب
دير وسطك حزام حرش ماشي رطب
وكل تبريمة تولي ليها تحسب
وتقيس على راسك ﻻ يتعطب
ومول الراس الصغير راه ديما يغلب آ
فيق را الوقت بغات الراجل الصلب